當初呢個blog叫最幸運的人，係因為覺得自己真係有運氣，好多野有貴人幫
由細細個入到華仁，一直自己都唔會上進既人，但係每次有咩大件事都會有人幫我，升到中六，repeat中七，入仁濟parttime入教院，再次番仁濟part time，教院可以同認真做野既人一group
畢業搵唔到工，無啦啦華仁有位代課，之後又無啦啦ied 請我攪campustv。
好老實講，真係極有運氣，而且背後我個努力唔多。
跟住我都唔知點解，突然報哂d I.T. COURSE，真係心血來潮，讀讀讀
讀完D COURSE，隔無耐間CENTER竟然搵我教班，雖然困難重重，又教得唔好，但係不停都有得教，仲愈教愈多，仲搵埋我出notes。
一直到而家，仁濟完全令我心灰意冷，我其實都好想留o係仁濟，起碼番工輕鬆，同事又friend
不過我未到呢個階段，我覺得我唔值。呢個時侯，間center又話可能會請我。
只不過係一年時間，我人工由$8500 升到可能過 2萬
我真係好開心，諗番轉頭，當初報班讀.......唔通真係註定係咁?
