打敗仗

唉.....o個 日完左慈善行番到屋企，都冇乜野，係耳入面有d"盟"

跟住到夜晚打左個乞嚏 ，喉嚨就有d痛，都知道領野架啦，即刻拍左兩粒幸福傷風素，但係因為o個晚要睇曼聯對車路士，攪到成2點先訓，訓醒成個人冇力，個鼻勁唔舒服。但係公司超多野做，為有番工。

我當然會利用公司既福利啦，唔洗錢睇醫生，食lunch時同另一個病既同事去左排籌，拎左籌之後番公司做一陣野，夠鐘再去睇。

估唔到........醫生同我講得最多既係.......叫我減肥............omg，我傷風呀，叫我減肥做乜呀

咁之後拎埋藥，番office即時食藥啦，但係戰況慘烈，節節敗退，個腦完全load唔到野，跟住整埋張form，搭村巴番屋企。

番到屋企，見到張梳化，乜都唔做，撻落去，"戀"左2個鐘先起身食第二次藥，再打左一陣機，11點幾就訓。

今朝起身，個人精神左，冇咁唔舒服，但係假紙已經拎左，當然會放埋個SICK LEAVE啦。哈哈

仁濟慈善行

琴日考完試之後(唉，第一次低過900分，得895)
就番屋企啦
番到屋企打左一陣機，10點幾去左訓覺，因為2點要起身再打，同d美國人打，得到一對"裡世界"鞋，唔錯唔錯。
打完之後5點幾，冇咩做，hea左一陣，就call姨丈車我去和宜合道運動場，7點到，做d 搬搬抬抬既野，個活動完左之後執手尾，2點係仁濟走
番到屋企沖涼，又再打機

淨間曼聯對車路士呀，12點開波，而家抖下先

小莉，你日本玩得開心嘛，記住你唱左75000yen架，唔好怕d野貴，鐘意既就買啦。

8年

請問各位人生入面，有咩可以好開心咁做八年呢?

8年，聽落好長，回望8年，又覺時間好短。

其實又唔洗刻意記住有幾多年，因為將來仲有好多好多年，而同樣又會好快好開心咁過。

I LOVE YOU Happy 8th anniversary.

講下d好多年前既野先

我覺得我唔應該淨係打每日發生既野，有時突然諗起d好耐以前發生既一d野， 但係好快又會唔記得，所以打起佢就最o岩啦

我諗起幾年前，你第一次同我一齊玩online game (唯一一次)，童話，因為我比你玩先，所以level高過你，但係因為我想同你一齊玩，所以就係宿舍開埋charles 部機，幫你升level同埋練那個唔記得什麼拳，哈哈，一個人用兩部機，玩到好夜先ok。仲記得你o個隻寵物叫做雞~~~~ ^_^。

唔知你記唔記得呢d事呢???

琴日因為唔夠訓，番到公司個人好o牛，夜晚聽錄音都幾累架，不過都見到你一面 ^_^
而家ccnp d野愈黎愈難啦。要係公司多d練習先得。

(仲有5日!!!)

9月17日

今日一起身就10點幾，之後去踢波，今日好齊人呀，踢左差唔多3個鐘，最後一場我好好好好大力咁撞到個頭，暈暈地，休息一陣之後就上子盛度沖涼，之後就去搭車番屋企，竟然去錯巴士站，要過後對面等車。上到車之後個人愈黎愈暈，就訓左一陣，番到屋企仲有暈，又頭痛。食左panadol都唔得。眼都唔爭得好開。呢個時候，小莉打比我話好唔心，又喊，我好唔想佢喊，我知道你有好多野令你唔開心，但係我都唔舒服，我唔話比你知係唔想你覺得我搵藉口，我盡量令你用唔同方法思考，令自己冇咁唔開心。唉........之後曼聯仲要輸波，d timing真係夾到呢.............

暈住個人去訓覺，訓到5點幾痛醒左，膝頭擦損o個度好痛，貼左塊膠布再訓先冇咁痛。

(仲有一星期，要plan啦!!!!)

9月16日---打牌 bbq

琴晚好夜訓，作死今日9點幾起身，點解我成日都訓唔到架，o係屋企打左陣機，就換衫去接小莉，哈哈，今次冇遲到啦，我買左三寶比佢食，搭巴士去沙田，等齊人就去買bbq既野，買完之後就去小莉屋企打牌，哈哈，旺到爆呀，打到後尾完全唔守牌都係咁食。不過其實我唔係好想羸咁多，因為始終係聯誼之嘛。之後燒野食，大家輪流都係煮下，燒得都幾好食 。最後勞煩小莉車我番屋企，之後就訓覺。

(仲有8日)

9月15日

今日番到公司，改埋少少個powerpoint，就燒埋碟，帶埋projector，notebook同埋自己個notebook，無線mouse等，就去 尖沙咀 香格里拉set 野，projector 呀notebook呀，個會開完之後就o係o個度食埋野，牛排極之好食。跟住就去左深水步買新電腦，woo woo 8千蚊，好耐冇試過砌咁貴既機啦，番到公司5點幾，換左個mon，就換衫去葵興踢波。一開波既時候落好大雨，我又係守龍門，但係失左5球，好唔開心，又整到成身痛。食完野就番屋企。沖個涼，訓覺。

(仲有9日)

9月14日

今日繼續powerpoint，因為琴日只係加左d內容入去，未執擺位，所以今日都係好多野改，一直到中午先完成，跟住下午又繼續website development，做做做，到5點幾，主席終於出現，有冇攪錯呀，第二日present，而家先出現，睇完個powerpoint又叫人改呢度o個度，好彩經理不停話唔需要唔需要，先唔洗改多，遲左少少放工，去到上堂又遲到，仲要比人坐左我個位，我死都要o個個人走，真煩，我用開呢部d setting架嘛，去到第二部又要set過，今日學permission既野，good，又學到新野啦。之後番到屋企玩左一陣ps2就訓

(10日!!!!!)

9月13日

今日比琴日更忙，本來諗住做埋個WEBSITE DEVELOPMENT，點解一番到去，經理就叫我搵佢，原來主席要整個powerpoint 做presentation，咁又叫左我去做，當然，design + 內容同樣係revise左好多次，21版既powerpoint做左一整日都做唔哂，之後去左聽ccnp錄音，今日佢地好精咁拔左network線，又冇得upload d file上ftp啦，之後去左搵小莉，我發覺如果一三五搵佢，之後可以行一陣，去先達搭小巴番屋企都ok，見到佢又開心。he~~~~~

(仲有11日啊)

好多日既blog，由9月12開始

今日好忙，忙個proposal，website development，我發覺我d中文真係有100個唔掂，由英文譯番中文好多問題，之前經理又話point form，唔洗講咁長，後來又要我解釋D POINT，所以一份野都revise左好多次，之後又去上mcse，學左d新既教windows 方法，番到屋企就上FF打小公爵，第一次全部死哂，第二次就好快贏左，終於打完呢個故事，下個星期開始打下一個故事。

(哈，仲有12日，不過唔知PLAN做乜好)

努力程度

我成日都以為，一係唔做，一做就100%比心機去做，而且要做得好好。原來咁樣令我有好大壓力，因為做唔好就會感覺唔係100%，所以我好多時係拖拖拖，拖冇時間先做，到時真係100%啦都冇時間。

我慢慢感覺做野可以係比70%努力，30%懶下，我意思唔係將d時間分開玩同做，而家做緊野既時間(如番工)都懶下，唔可以成日都不停做，因為我發覺，我玩既時候成日都會諗起番工既野。
而且做下抖下，雖然好似會好慢，但係點計都係快過到最到o個刻先做。

琴日又去聽錄音啦，而家要溫定書去聽，3個鐘既野要個零鐘聽完，要飛咁d冇用既野黎聽，咁先趕得切。聽到個人o牛哂。不過，要全力去感受呢種日日讀書既感覺，咁先會比心機，令自己唔好浪費時間，辛苦就辛苦咁多架啦，讀得少咪好唔抵?

之後又去左搵小莉，good。

p.s. 仲有 12日

9月10日

一早起身，打左陣機就去踢波，今日天氣極之好，唔太曬又有d風，踢得好舒服，其實咁樣成班波友吹下水，講下無聊野，都幾開心架，又可以跑下，唔錯。

之後真係唔知點解，我入左沙田搵小莉，可能因為之前佢發脾氣話悶掛，所以我都想陪下佢，入到沙田，成個商場唔同哂，好多個月冇黎過啦，真係唔同到好多，好似第一次入沙田咁。

之後又去左睇戲，今次睇大丈夫2，哈哈，好好笑。不過現在香港係唔係咁呢，係唔係真係咁多男人咁架。

之後番到屋企已經11點，訓覺。

p.s. 仲有14日

9月9日 香港鐘表展

人生第一個長週，hea到爆
1點放工，落超大雨，去左對面目黑食壽司。開左咁耐，第一次去食，d野幾好食，貴左少少啦。多謝小莉贊助。
之後去左睇表，見到d有得做既，其實今次已經係第三次去，但係咁比心機睇係第一次，有d真係覺得有得做，要盡快plan完之後做啦。之後去左睇我要成名，好睇。之後發生左d事，我上番黎真係諗起o個句說話，我好嬲係因為你唔明白。

番到屋企睇波，david都話有得做。good

p.s. 仲有15日

九月8日

第一日上MCSE，其實呢個COURSE可以叫做入行做IT一個基本既資格，我應該係2000年O個時已經想讀，但係.....懶懶下，咁多冇讀到。

今日終於CONFIRME左FULL TIME，係有少少失望，不過諗番轉頭，我乜QUALI都冇，其他公司一定唔會請我啦，所以我要諗，我可以O係呢度建立，有時間讀書，有機會比我試好多唔同既野，所以我就當重頭黎過。而且經理對我好好，我要好好利用呢段時間。

夜晚又去左聽錄音，因為之前溫左書既關係，我好快聽完一節，然後去左搵小莉食飯。

p.s. 仲有16日

琴日又去聽ccnp 錄音
哈，佢地竟然無set出面部機喎，我可以ftp o個d錄音哈哈
其實我唔係想拎d錄音黎做咩，我都好明白呢d錄音出左街，佢地會幾大獲
我只係想係屋企都可以聽之嘛，150個鐘呀，即使一個禮拜聽9個鐘，到年尾都聽唔哂啦
不過我預計佢地好快會set埋出面部機。所以都係要多d上去聽啦。
去聽錄音之前又可以見下小莉，都幾開心丫，又有野食。

今日有足球比賽，撞正mcse第一堂，拎左衫，睇下到時點啦，同佢地講左唔去先，可能今晚d野好簡單，就去比啦。

p.s. 仲有17日

慳錢

每日交通費$28.9
早餐 $0
午餐 $0
晚餐 $5-10
全力儲錢考試
下次考試日期: around 10月中，科目 ccnp:remote access
聽日搵總裁，要傾個好價錢先得
溫書溫書狂溫書

p.s. 仲有18日

奮鬥.......5個月

CCNA考完之後
什息左個幾月
又係時候再讀
我唔想再諗咁多，我揀左呢條路，即使未來唔可以100%好似我咁諗，70%都OK
但係如果我再諗，就永遠都係0%
年紀唔細啦

所以我一次過報左CCNP同MCSE

我唔想用捱去形容未來幾個月，我覺得係等左好耐既機會，而家要全力出擊一樣，我相信我O既能力。
不過我阿媽又再次潑冷水，我唔知點解佢咁鐘意睇人地衰既一面，仲要批評人，做得好既好多時都唔會睇到，做得衰少少就好大反應。真係好灰。

星期四本來有足球比賽，但係MCSE第一堂上堂，各位波友，唔好意思啦

"仲有19日"

CCNA

唉.......第一次為左自己前途比錢讀書
發覺心態真係唔同
認真好多
第一堂，教左set router 基本野
第二堂，set router + 2進制+subnetting，呢d knowledge 我想識好耐架啦，我真係懶呀，而家先學，好，有心唔怕遲! 我要努力!!!!

人生第一次

自費上course
CCNA 電腦課程
希望有用啦
仁濟呀仁濟，你INTERVIEW未呀

畢業典禮

琴日去左我前年實習既學生既form 5畢業禮，初頭有少少怕。其實唔知怕乜，可能冇信心掛，當年同佢地好好。而家可能唔記得我了。

不過，我真係好想見下佢地，因為我可能以後都唔會有機會參加我學生既畢業禮

朝早去左拎電子証書，之後去交管理費，搭車入去林漢光

一路搭緊89x 既時候，腦入面不以斷諗番2年前係o個度實習既情境，諗諗下仲笑左出黎，o個時真係好開心架，其實我都鐘意教書，不過而家呢個時勢.......唉

番到去，d學生o係上面綵排，我行左一陣，有d展板睇，有reception，去到，佢問我係唔係嘉賓我就話我係前年o係度實習既老師，跟住後面個校工竟然認得我喎。
跟住上到去，見到大半班學生，我記得佢地大部份既名呀，原來老師記得學生個名，佢地會好開心，個個都話我勁呀。咁傾下d閒野，會考呀咁，跟住就開始，途中影左d相啦，又同d學生講野。完左之後又繼續傾，我仲去左教員室搵當時我個原任老師同其他老師傾左兩句，跟住就走啦，佢地話遲d會成班約出黎喎，我話睇下點啦，之後用廿蚊買左兩張drama night 既飛，當係支持下。

琴日去仁濟經過時，見$240，即買，玩左一陣(唉，忙到冇時間打)

控制方面未適應，成日跌落街

不過新元素好多

琴日一次過做左好多野，8:30 一直做到 23:00
番到屋企即訓 (呢十年黎我諗冇乜試過番到屋企即訓)

發覺我老頂愈黎愈睇得上我，成日比野我做

今日終於可以專心做一樣野，究竟我能力有幾高?

唔知能唔能夠繼續做電腦?

抓緊

經過左差唔多3年既hea 人生，近來少有做人有d衝勁

報course，proposal，轉工
心態上好似唔想再比d機會o係自己手邊溜走

最重要係玩少左!!!

但係減肥仲係好懶。

I want to Change my LIFE !

1. 減肥
- 戒朱古力
- 除左每個禮拜必踢一次波之外，盡量搵多d雞會做運動，最perfect係練番標槍

俾人搶怪物

話說我而家打FFXI做緊一個任務，要打三隻好耐先出現一次既怪物，拎佢地身上既物品，其中兩隻因為冇乜人爭，好早就打死左(其實有一隻係上年打死既，係一隻鳥，但係當時未接到任務)，跟住上個禮拜接到任務，就去打其他兩隻，老虎同埋植物怪，老虎一去到就出現左，但係打第一次竟然唔掉個物品比我，咁我再等多兩日，第二次出現就比我物品，虎牙。好啦，打最後一隻，第一次去係星期日早上，去到有4-5個人等緊佢出黎，咁我就係度等呀等，無聊之際見到枱頭有張月結單，嘩 $17xx，咁我見怪物未出黎，竟去銀行個網睇睇夠唔夠錢找數，就o係我連銀行個網址都未打完既時候....就聽到打鬥聲，心知不妙，一轉番過去就睇到隻怪物比人打緊，咁我記住個時間，就離開左個地方。呢隻怪物每21-24小時出現一次，所以星期一會係9:00-12:00出現，我改左星期一唔番工，就係為左呢隻野。咁琴日我就一早起等啦，點知又係比人搶左。激死!
但係星期二一定要番工啦，唯有叫個ffxi既friend今日7:15至10:15盡盡人事幫我等囉。

唔再above average?

成日以為自己係個above average 既人
其實係唔係呢?
但是不進則退係必然既事實
所以
我唔可以再抱有呢個想法

最起碼，我既上進心係unclassified 左
hmm 我要努力!!!

今日冇乜特別，只係打下機，番工砌下電腦。

ps. 其實我真係冇乜所謂，我知道你已經好擔心，而且係冇心既，我唔嬲可能因為呢d野發生o係我身上太多了，好似上個禮拜副眼鏡咁 ^_^

情人節

準備左咁多野之後，終於都到左情人節啦，o個日我同小莉都要番工，所以日頭冇出街，我就拎埋份勁大盒既lego番工，o係ied買埋花紙，包埋。放工前gel下個頭，戴番個隱形眼鏡。就搵小莉啦。沿途見到好多人拎住花，心諗我係唔係真係要送個花呢? 不過唔擺得，唔實際wor。屋仔仲好啦，又有得玩，又有得砌過第二款。

咁放工係ied番多陣，因為小莉遲過我放，跟住係火車站meet佢。去左老麥坐低拆禮物，其實我真係好鐘意本相簿架，因為我自己懶唔整，唔代表我唔鐘意架。多謝哂。跟住去行沙田，睇戲，jim carey真係勁，搵佢一個就唔洗搵其他名星啦。之後去左中間廣場到影相喎，竟然撞到安琪，見你咁lum，祝你以後都幸福啦。番到屋企玩左陣就訓覺。

情人節禮物準備

慢慢睇啦

情人節前夕

星期日踢波又踢到好累，諗住星期一早起身都唔得
10:00起身，拎副lego出黎，砌砌砌，數數下真係有超過十年冇砌lego，砌起上黎又真係幾開心，一開始都係跟住個圖砌，冇乜難度，砌完哂成間屋之後，我就發現有好多零碎既野淨番落黎，正，可以整傢俱，整個幾張枱同埋床，之後就用d細細粒既砌個"LOVE TERESA"字出黎，都算順利，其間用部DC拍左VIDEO，影左幾張相咁
整到好累，又打下機，今次用賊仔，嘩嘩，組到隊升級喎，打左幾個鐘，由43-->46，唔錯唔錯。跟住開飯，今晚食燒肉糯米飯，好飽。
之後就整"脆米花生朱古力"星期日晚整左D花生，炒佢，去左D衣，今日就簡單得多，煮熔朱古力，倒D脆米同花生，撈撈撈。跟住用匙整到佢一個個球狀咁，當然阿媽係身邊教路啦，佢又幫我拍左好多VIDEO。我地整左差唔多100粒，我只係要左十幾粒送比小莉，其他阿媽拎番去請人食。跟住已經好眼訓，去訓覺。

小插曲。訓到4點扎醒，以為夠鐘起身，仲要係起身O個時係幾醒o個隻。睇睇個鐘，4:10?唔係下話，出去睇，都係4:10咁就再訓。

寫番幾日既野先

初六
今日番工，我o個team大半冇番，乜都冇，準備下campustv o既野，度下橋。我再次認同我唔係leader既人才，我覺得我做策士適合d。咁就一日
初七
祝大家生日快樂
今日輪到小莉去我屋企拜年，拎左我出錢買既禮物上黎，食下野，傾下偈，兩個女人走埋一齊係咁講我壞話，知啦，我明白，但係我又唔知點解咁懶。help~!!!跟住david黎睇波。yeah 曼聯贏!
星期日
又去踢波，我好珍惜每個禮拜踢波o既時間架，唯一可以一大班人做運動開心下，又有肥馬子盛講下佢地學校既野，今日去左個大d既球場踢，人又唔多夠，踢到死死下。
星期一
起身d關節好累，打下機，玩下新keyboard，跟住去左teresa 個阿媽間廠整網頁，激死我，整極都唔到個photo album，見到d表其實有得做。好啦，要比心機!
星期二
又懶左半日，跟住番左仁濟，見到d同事對個新電腦個機箱讚不絕口，真係好有滿足感架，我覺得真係冇乜人會好似我咁有心機幫佢地搵個靚機箱，又細又靚仲要比兩隻色佢地揀，仲要upgrade時顧住佢地使用習慣。其他可能真係買廠機，直接install，跟住淨過data就算。所以我要再做好d，等佢地覺得炒我係唔o岩! 今日仲帶埋表廠d相番去，因為我比較熟用仁濟部機寫網頁，話哂用左咁多年。之後仲同人事部個經理傾偈，嘩嘩嘩，佢個利是封好細個呀，一個唔小心真係會唔見左佢封利是。同佢傾下我就快走呀，來龍去脈，第時d野，又講下教師壓力等等。呢個經理都算同佢friend，因為同佢都共事成5年
星期三
番ied，又係整金句，我真係頂上面班輔導主任唔順，d咁既說話叫金句，滴哂汗!!!，係冇save既情況之下關左，慘。好在d design有save到，係d擺位冇save。放工番屋企，打機!~
星期四
今日終於問佢兩個guest speaker既地址，因為要寄封邀請信比佢地。然後試試用屋企部機整個網頁，又係唔得，玩左陣鋼琴，又係打機既時間。
今日打機有d突破，第一就係升到lv65，又要去做限界任務先升到66lv，但係今次最易做，自己攪得掂。第二就係第一次打ENM，又係單挑既，因為第一次打既關係，輸左~不過唔緊要，5日後再去過，然後用左110萬積蓄買左d裝備。然後夜晚幫表弟打pm任務既物品，同時又幫到下ls，跟住就offline打warcraft3，發覺其實打死一隻game都幾悶架。跟住阿媽番黎，又害我，拎左好多野食，又三文治，又豬扒，佢地既命運當然係比我食哂~~

拜年

年初一至初四冇出過去拜年，因為d親戚都唔記得我了，年拜唔拜都冇乜所謂
但係一係唔拜，一拜就小莉屋企拜，今次第二次見佢阿爸，第一次正式見。
o係多年來o既耳濡目染之下，我對這位未來外父敬畏三分，去到佢屋企，講左幾句恭喜既說話，就dead air，佢地仲坐左去好遠既位置，小莉不停咁笑，我都唔知點好。但係中間聽到個笑話，原來要唔比d蟻爬入年盒，要整孤島，哈哈。

之後o係冇咩講之後就入左小莉房睇格林童話，因為翻譯比較爛既關係而睇到冇咩心機，後來佢阿爸阿媽落街買野，我先放鬆左d咋，跟住就番屋企。

好多謝你呀小莉 ^_^
p.s. 點解我講我阿媽你阿爸要呷醋呢?
曼聯又輸左啦 ~_~

本人屬猴 

生日加福祿壽

免費海洋公園一日遊，新年生日好開心 

最幸運的人

25年來都咁幸運的人
謝謝所有人 ^_^